Ungur maður að nafni Ashley Day er látinn en hann var talinn mikið efni og spilaði með Birmingham í Championship-deildinni.

Day var aðeins 20 ára gamall en hann var stunginn til bana í íbúð í einmitt Birmingham á fimmtudaginn.

Ástæðan fyrir árásinni er ekki gefin upp en hún átti sér stað klukkan sex um nótt.

Samkvæmt fjölsklyldu Day var nýbúið að taka við honum í háskóla Brunel og var hann öllum til fyrirmyndar.

Strákur aðeins 18 ára gamall hefur verið handtekinn fyrir morðið en hann ber nafnið Gurveer Bhandal.

Fjölskylda Day segir að hann hafi sjaldan komið sér í vandræði og að um saklausan vinalegan strák hafi verið að ræða.

Day lék lengi með unglingaliðum Birmingham en náði ekki að spila sinn fyrsta leik fyrir aðalliðið.