Íslenska karlalandsliðið tapaði á grátlegan hátt gegn Portúgal í kvöld í undankeppni EM.

Leikið var á Laugardalsvelli en Ísland var að tapa sínum öðrum leik á stuttum tíma eftir tap gegn Slóvakíu um helgina.

Eitt mark var skorað í leik kvöldsins en það gerði enginn annar en Cristiano Ronaldo fyrir Portúgal.

Markið var ansi umdeilt en það var skoðað í VAR í dágóðan tíma en grunur var um rangstöðu sem var að lokum aldrei dæmt.

Hörður Björgvin Magnússon virðist hafa spilað leikmenn Portúgals réttstæða sem varð til þess að sigurmarkið var dæmt.

Kári Árnason og Rúrik Gíslason, fyrrum landsliðsmenn, ræddu við ViaPlay eftir leikinn.

,,Fyrirliðinn kom inná þetta, fyrir þá sem ekki þekkja þetta þá er þetta fókus í 90 mínútur við megum ekki slökkva á okkur. Ef aftasti maður ætlar að skilja menn eftir réttstæða verður hann að sjá til þess að hann vinni það einvígi. Hvort hann sé rangstæður eða ekki skiptir í raun engu máli því það var ekki kallað. Við getum kallað yfir okkur óréttlæti en við erum ekki með annan vinkil á þessu. Það er ómögulegt að sjá hvort hann sé réttur eða rangur,“ sagði Kári um markið.

,,Við vorum aldrei að búast við einhverjum úrslitum en frammistaðan er eitthvað sem við getum byggt á og við erum komnir nær okkar besta liði. Er þetta besta uppstillingin? Við tölum um létta miðju og Jói og Arnór voru frábærir í dag og Gulli og Sverrir hefðu ekki verið eins góðir og raun bar vitni hefðu þeir ekki lagt grunninn að því að djöflast.“

Rúrik bætir við:

,,Sko þegar andstæðingurinn sendir til baka verður vörnin að stíga upp. Kári það er regla númer eitt. Við sitjum aðeins eftir og það er erfitt að neita þessu. Tekningin virðist sýna það að Höddi spilar þá réttstæða.“

Kári nefnir svo að þróun liðsins sé nú á leið í rétta átt eftir öðruvísi stefnu undir Arnars Þórs Viðarssonar.

,,Höfum það alveg á hreinu að þróunin er í sömu átt og liðið var alltaf að fara í. Við tókum nokkur ár í að stöðva þá þróun og fórum í eitthvað sem hentar kannski ekki Íslandi. Þetta er orðið lið og maður er miklu meira tilbúinn að styðja við bakið á þeim og maður sér það á stúkunni, maður vill sjá liðsheild.“