Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti. Skemmtikrafturinn og hlaðvarpsstjarnan Hjálmar Örn Jóhannsson var gestur að þessu sinni.

Íslenska karlalandsliðið mætir Slóvakíu á morgun í gríðarlega mikilvægum leik í undankeppni EM 2024. Hörður Snævar Jónsson mætti í settið til að ræða komandi landsleiki.

Hörður telur leik morgundagsins ekki síst mikilvægan fyrir Vöndu Sigurgeirsdóttur sem ákvað að reka Arnar Þór Viðarsson og ráða Age Hareide.

„Ef þessi leikur tapast á laugardaginn held ég að formaðurinn Vanda Sigurgeirsdóttir sé komin í smá klípu fyrir næsta kjör sem er í febrúar. Þá er hún búin að taka ákvörðun um að reka þjálfara, er með tvo þjálfara á launaskrá, frussar peningum út úr sambandinu en peningarnir koma ekki til baka.

Hún er að taka svolitla áhættu með þessu,“ segir Hörður.

„Ég þekki nú tvo bræður í Hafnarfirði sem eru líklegir til að nota þetta gegn henni ef hún nær ekki þessu EM sæti,“ bætir Hörður við og á auðvitað við FH-ingana Jón Rúnar og Viðar Halldórssyni.

Umræðan í heild er í spilaranum.