Gareth Southgate, landsliðsjálfari Englands, segir leikmenn sína einbeitta á leik kvöldsins gegn Möltu í undankeppni EM 2024.
England mætir Möltu í kvöld og Norður-Makedóníu á mánudag.
Nokkrir leikmenn Manchester City komu aðeins til móts við enska liðið í gær. Margir þeirra hafa tekið vel á því í drykkju undanfarna daga eftir að hafa unnið þrennuna með sínu liði, þá sérstaklega Jack Grealish.
„Það eru mörk og við fylgjumst alltaf náið með leikmönnum,“ segir Southgate.
„Ég hef rætt við leikmennina um þar hvar einbeiting þeirra þarf að vera. Þetta er ný staða fyrir okkur. Við höfum verið með leikmenn í úrslitum Meistaradeildarinnar áður en við höfum ekki verið með leikmenn sem vinna þrenuna.
Hlutirnir verða aldrei eins fyrir þessa leikmenn og líf þeirra breytist.“
Southgate segir það ekki sína upplifun að menn séu annars hugar.
„Það er margt um að vera í sumar sem getur truflað okkur ef við leyfum því að gera það. Ég hef ekki tekið eftir því í þessari viku með neinn leikmann.“
Grealish og aðrir leikmenn City munu ekki byrja leik kvöldsins en þeir gætu komið við sögu á mánudag.
