Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti í hverri viku og ræða það helsta úr heimi íþrótta. Að þessu sinni sat Viðar Örn Kjartansson með þeim.
Karlalið KR virðist vera að rífa sig aðeins í gang í fótboltanum eftir hörmulega byrjun. Liðið var til umræðu í þættinum.
„Það þarf að taka eitt skref til baka, eins og þeir eru að gera núna. Það er fullt af ungum leikmönnum og það þarf að gefa þessu tíma. Ég veit að það er erfitt að segja þetta við stuðningsmenn KR en ég held að það sé hægt að selja þeim þetta,“ segir Hrafnkell.
Viðar tók til máls. „Mörg lið hafa tekið þennan pakka. Fengið yngri leikmenn og sett þá í kringum nokkra eldri. Eftir það eru þeir þvílíkt góðir. Þeir þurfa að fara þessa leið og mér sýnist þeir vera byrjaðir á því.“
Umræðan í heild er í spilaranum.
