Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti í hverri viku og ræða það helsta úr heimi íþrótta. Að þessu sinni sat Viðar Örn Kjartansson með þeim.

Óli Stefán Flóventsson er kominn í leyfi sem þjálfari Sindra í 2. deild karla. Hann gagnrýndi bæjaryfirvöld harðlega í vikunni fyrir aðbúnað félagsins.

„Óli er þjálfari á háu stigi og á ekkert að vera að þjálfa Sindra. Hann er að setja allt í þetta, býr þarna og er í fullu starfi. Þeir munu reyna að fá hann aftur og reyna að betrumbæta allt þarna,“ segir Hrafnkell.

Viðar tók til máls. „Þetta er toppþjálfari og gæti hæglega verið í efstu deild. Þeir ættu að gera allt til að halda honum sáttum.

Ég myndi halda að það væri minnsta mál að halda úti fótboltaliði þarna með smá metnaði. Við horfum til dæmis á Ólafsvík gera sig gildandi síðustu ár, Grindavík og þessi sjávarpláss. Ég hélt það væri lítið mál að redda smá aur.“

Umræðan í heild er í spilaranum.