Fabinho, leikmaður Liverpool, viðurkennir að hann hafi alls ekki búist við því að Roberto Firmino myndi yfirgefa félagið í sumar.
Sóknarmaðurinn er á förum frá Liverpool eftir átta frábær ár. Hann kvaddi stuðningsmenn á Anfield með marki í lokaleiknum þar.
„Við vorum alltaf að spyrja hann um hvenær hann ætlaði að skrifa undir,“ segir Fabinho.
„Við báðum hann um að vera áfram og bjuggumst alls ekki við því að hann færi.“
Fabinho telurað Firmino eigi nóg eftir á fótboltavellinum.
„Bobby er 31 árs og á mikið eftir. Hann er ungur.
Við vitum núna að hann verður ekki áfram. Þetta hefur verið tilfinningaþrungin vika fyrir okkur. Ég get bara óskað honum og fjölskyldu hans alls hins besta.“
