Real Madrid vonast til þess að geta keypt vinstri bakvörð til félagsins í sumar og er Andy Robertson hjá Liverpool á lista félagsins í sumar.

Daily Mail fjallar um málið og segir að Real Madrid vilji kaupa fyrirliða Skotlands í sumar.

Ferland Mendy vinstri bakvörður liðsins hefur mikið verið meiddur á þessu tímabili en Eduardo Camavinga hefur leyst stöðuna með ágætum undanfarna mánuði.

Real Madrid hefur horft til Alphonso Davies bakvarðar FC Bayern en ólíklegt er að þýska félagið vilji selja hann.

Robertson er lykilmaður í liði Jurgen Klopp en hann er með samning til ársins 2026 og erfitt er að sjá enska félagið selja hann.

Í frétt Daily Mail segir hins vegar að Real Madrid sé til í að borga yfir 40 milljónir punda fyrir Robertson.