Liverpool náði ekki að komast í Meistaradeildarsæti í dag er liðið mætti Aston Villa á heimavelli sínum, Anfield.
Liverpool var lengi vel undir í þessum leik en jafnaði metin undir lok leiks er Roberto Firmino kom boltanum í netið.
Stigið gerir þó eitthvað fyrir Liverpool sem er þremur stigum á eftir bæði Manchester United og Newcastle.
Aston Villa mun naga sig í handabökin að hafa ekki unnið þennan leik í baráttu um Evrópusæti en Ollie Watkins klikkaði á vítaspyrnu í fyrri hálfleik sem fór framhjá markinu.
Liverpool er með betri markatölu en United sem á þó leik til góða eftir 1-0 sigur á Bournemouth í dag þar sem Casemiro tryggði sigur.
Everton náði í stig gegn Wolves á sama tíma á dramatískan hátt en jöfnunarmark liðsins var skorað á 97. mínútu af Yerry Mina.
Everton er nú tveimur stigum frá fallsæti en hefur leikið leik meira en liðin fyrir neðan sig.
Þá áttust Fulham og Crystal Palace við en þeim leik lauk með 2-2 jafntefli á Craven Cottage.
Liverpool 1 – 1 Aston Villa
0-1 Jacob Ramsey(’27)
1-1 Roberto Firmino(’90)
Bournemouth 0 – 1 Manchester United
0-1 Casemiro(‘9)
Fulham 2 – 2 Crystal Palace
0-1 Odsonne Edouard(’34)
1-1 Aleksandar Mitrovic(’45, víti)
2-1 Aleksandar Mitrovic(’61)
2-2 Joel Ward(’83)
Wolves 1 – 1 Everton
1-0 Hee Chan Hwang(’34)
1-1 Yerry Mina(’90)
