AC Milan og Inter eigast nú við í fyrri leik liðanna í undanúrslitum Meistaradeildar Evrópu.
Um fyrri leik liðanna er að ræða, en sigurvegari einvígisins mætir annað hvort Real Madrid eða Manchester City í sjálfum úrslitaleiknum.
Inter hefur verið mun betra það sem af er leik og leiðir 2-0 þegar nokkrar mínútur eru eftir af fyrri hálfleik.
Edin Dzeko kom þeim yfir strax á 8. mínútu og þremur mínútum síðar skoraði Henrikh Mkhitaryan annað mark Inter.
Eftir rúman hálftíma leik benti dómari leiksins svo á vítapunktinn þegar Lautaro Martinez fór niður í teignum eftir viðskipti við Simon Kjær.
Hann hætti hins vegar við vítaspyrnudóminn með hjálp VAR.
Leikmenn Inter mótmæltu þessu auðvitað.
