Jurgen Klopp stjóri Liverpool segist sjá eftir því að hafa látið ummæli sem verða líklega til þess að hann verður dæmdur í leikbann og þarf að borga væna sekt. Klopp lét orð falla um dómarann, Paul Tierney eftir sigur liðsins á Tottenham á sunnudag.

Klopp hafði átt í orðaskiptum við dómara leiksins þegar Diogo Jota skoraði dramatísk sigurmark, hann hljóp þá upp að fjórða dómaranum og fagnaði í andlit hans.

Klopp var heitt í hamsi eftir að skömmu áður hafði verið dæmt brot á Mohamed Salah sem Klopp taldi rangan dóm. „Allt þetta mál hefði ekki átt að gerast, þetta voru tilfinningar, reiði og það er ekki gott fyrir leiðtoga að lenda í því. Ég ver reiður sem varð til þess að ég fagnaði svona,“ sagði Klopp í dag á fréttamannafundi.

Klopp fór í viðtal eftir sigurinn og sagði að Tierney væri með horn í síðu Liverpool. „Tierney kom til mín og sagði að hann ætti í raun að reka mig af velli, ég reyndi að róa mig en það virkaði ekki og fór svo í viðtölin.“

Klopp hafði verið að öskra á hliðarlínunni sem fór illa í dómarann. „Ég hefði kannski bara átt að segja strax að hann hafi hótað rauðu spjaldi, ég er viss um að Tierney er ekki meðvitað að dæma gegn okkur en það er saga. Það eru hlutir sem hafa gerst, í mikilvægum leikjum. Það bara tilfining og ekkert annað.“

„Tierney gaf mér gult spjald og brosti í andlitið á mér, það er það sem gerðist. Ég reyndi að róa mig eftir leik og það gekk ekki vel. Ég sagði það sem ég sagði.“

„Það sem hann sagði við mig var ekki í lagi, ég átta mig á því að ég opnaði á þetta. Það var ekki viljandi en ég gerði það, félaga ykkar af Sky vildi fá þau orð frá mér að þetta væri óviðeigandi en ég sagði það ekki.“

„Ég held að Tierney sé ekki meðvitað að dæma gegn okkur en ég get ekki neitað sögunni. Ég verð að komast yfir þetta en þetta gerðist.“

„Ég veit að dómarar voru mér reiðir, ég heyrði að ég hefði verið að ljúga. Ég gerði margt þennan dag en ég var ekki að ljúga, ég hefði átt að sleppa ýmsu en ég var ekki að ljúga.“