Flest augu voru á Manchester-borg þar sem heimamenn í Manchester City tóku á móti Bayern Munchen í Meistaradeild Evrópu í gær.
Erling Haaland skoraði eitt marka City en þetta var hans 34 mark í Meistaradeildinni í 26 leikjum. The Athletic birti áhugaverðan samanburð.
Cristiano Ronaldo sem er einn merkasti leikmaður sögunnar og markahæsti leikmaður í sögu Meistaradeildarinnar skoraði ekkert mark í fyrstu 26 leikjum sínum í deild þeirra bestu, Haaland er hins vegar búinn að skora 34 fyrir RB Salzburg, Dortmund og nú City. Mörkin fyrir City eru ellefu í heildina á fyrsta tímabili hans í Manchester
Goals scored in the first 26 Champions League games:
Cristiano Ronaldo: 0
Erling Haaland: 34#MCFC | #UCL pic.twitter.com/tpvraipjYS
— The Athletic | Football (@TheAthleticFC) April 11, 2023
City byrjaði betur og á 27. mínútu komst liðið yfir. Þá fékk Rodri nóg af plássi fyrir utan vítateig Bæjara og átti svo draumaskot upp í hornið fjær. Yann Sommer áttu ekki möguleika í marki gestanna.
Heimamenn voru mun betri í seinni hálfleik og juku þeir forskotið á 70. mínútu. Þá gerði Dayot Upamecano, sem átti skelfilegan leik í kvöld, slæm mistök, boltinn endaði hjá Erling Braut Haaland sem setti boltann glæsilega á kollinn á Bernardo Silva sem skoraði.
Skömmu síðar gerði Haaland sjálfur svo þriðja mark City með frábærri afgreiðslu.
Lokatölur 3-0 fyrir City sem er í frábærri stöðu fyrir seinni leikinn í Þýskalandi í næstu viku.
