Frank Lampard tók við liði Chelsea á dögunum og stýrði sínum fyrsta leik um helgina gegn Wolves.

Það gekk ekki vel í fyrsta leik Lampard en Chelsea var ósannfærandi í 1-0 tapi á útivelli.

Lampard tekur við tímabundið eftir brottrekstur Graham Potter og var aðeins ráðinn út tímabilið.

Það er ansi skemmtileg staðreynd að Lampard átti að lýsa leik Chelsea og Real Madrid í næstu viku.

Darren Fletcher, starfsmaður BT Sport, staðfestir það að Lampard hafi átt að vera í settinu í þessum mikilvæga leik í Meistaradeildinni.

Hlutirnir eru fljótir að breytast og þess í stað verður Lampard á hliðarlínunni í 8-liða úrslitum keppninnar.