Daniel Nardiello fyrrum leikmaður Manchester United hefur sagt frá því að hann hafi þurft að æfa sig að stunda kynlíf fyrir framan stjörnur liðsins.

Nardiello ólst upp hjá Manchester United og var í herbúðum aðalliðs félagsins frá 2001 til 2005 en fór mikið á láni. Ferli hans lauk árið 2017.

„Mín nýliðavígsla var að ég þurfti að leika það að ég væri að njóta ásta með konu. Við urðum nokkur að gera það. Þú þurftir að lýsa stelpunni. Þetta var hræðilegt. Er hún ljóshærð, brúnhærð, er hún þéttvaxinn eða ekki? Ég þurfti að lýsa því hvað ég væri að segja við hana, þetta var hræðilegt. Ég varð eins og epli í framan,“ sagði Nardiello.

Aðspurður hvort þetta hefði bara verið trúboði, svaraði Nardiello: „100 prósent.“

„Þetta voru líka ofurstjörnurnar sem voru að horfa, þarna voru Giggs og David May. En svo sá maður David Beckham og Roy Keane að horfa á þetta, þetta var hræðilegt.„