Það hefur alveg verið betra stuð í Íþróttaviku stúdíóinu en Tómas Þór Þórðarson, ritstjóri enska boltans hér á fróni, kom og fékk sér sæti ásamt Herði Snævari Jónssyni, íþróttafréttastjóra Torgs. Ástæðan fyrir stuðleysinu var tap Íslands gegn Bosníu en framundan er leikur gegn Liechtenstein á sunnudag.

„Arnar þarf að hugsa hvert planið sitt sé. Hann fær Aron Einar inn og Daníel Leó eða Davíð Kristján detti þá út. Varnarleikurinn gegn Bosníu var þannig að Guðlaugur Victor og Hörður Björgin áttu að vera leiðtogarnir en það voru mennirnir voru gerðu minnst. Daníel Leó fannst mér á köflum var allavega að reyna en Hörður Björgin, það er orðið langt síðan að maður hefur séð hann góðan. Guðlaugur Victor átti fjóra góða landsleiki og við lifum enn í þeirri von að hann sé okkar nýjasti Messías. Hann hefur aldrei verið hluti af neinu góðu í landsliðinu.

Arnór Ingvi gerði sitt besta í þessari stöðu að vera djúpur miðjumaður en hann gat ekkert meir. Hákon Arnar, með allar væntingar heimsins á herðum sér drullar á sig og rennur í okkar besta færi.

Maður er svo hugsi yfir svo mörgu og spjótin beinast alltaf í lokin að þjálfaranum,“ sagði Hörður.

Tómas sagðist hugsi yfir miðjunni. „Við erum á útivelli gegn Bosníu. Og Kári hefur sagt þetta fyrir lifandi löngu og sá er búinn að vinna sér inn credit að segja það sem hann vill um þetta landslið.

Við erum með uppskriftina. Við fórum á HM og EM. Uppskriftin er til hvernig við náum árangri. Arnar Þór hefur fullt leyfi að gera það sem hann vill með þetta landslið en ég held við höfum séð í þó nokkuð langan tíma að þetta leikkerfi 4-1-4-1 er ekki að virka.“

Hörður sagðist líka hugsi yfir öðrum hlutum. „Okkur vantaði líka sentímetra og kíló. Manni fannst vanta eitthvað á miðsvæðið.“

BenniBo_2023_12_landsleikurBosnia.mp4