Söngkonan Ellynora hefur beðið stuðningsmenn enska landsliðsins afsökunar á flutningi sínum á enska þjóðsöngnum í gærkvöldi fyrir leik Ítalíu og Englands í undankeppni EM 2024. Ellyanora hefur fengið mikla gagnrýni á sig í kjölfar flutnings síns á þjóðsöngnum og segir tæknileg mistök hafa átt sér stað.
Reiðir stuðningsmenn enska landsliðsins fóru mikinn á samfélagsmiðlum í gærkvöldi eftir flutning Ellynora á þjóðsöngnum, annað hvort var hún gagnrýnd harðlega eða þá að hæðst var að henni, margir sökuðu hana um að hafa slátrað þjóðsöngnum.
Ellynora ræddi við blaðamann Daily Mail eftir atvikið og þar segir blaðamaðurinn að hún hafi brostið í grát og beðist afsökunar á flutningi sínum.
„Ég er bara svo reið vegna þess sem átti sér stað vegna þess að ég vildi að þetta yrði fullkomið en það sem átti sér stað var ekki mín sök,“ segir söngkonan í samtali við Daily Mail.
Tæknileg mistök hafi átt sér stað.
„Ég var með tónlistina í eyranu og svo hætti hún og byrjaði aftur, og ég var farin að heyra hana tvööfalt, svo það þýddi að ég var ekki samstillt og það reyndist erfitt fyrir mig að ná tímasetningunni réttri.“
Wow. Got to be the worst national anthem performance I’ve ever watched 😭 #ITAENG pic.twitter.com/LYiev3KcGl
— Kyle Gacheru (@KyleGacheru) March 23, 2023
