Arnar Gunnlaugsson, þjálfari Víkings, kom í settið í Íþróttavikuna með Benna Bó sem sýnd er á Hringbraut alla föstudaga.

Arnar varð fimmtugur í mars og segir að hann hafi fengið sér ofboðslega gott rauðvín í tilefni dagsins.

„Ég var búinn að kvíða smá fyrir þessum áfanga en svo fór ég í ræktina daginn eftir og viti menn – það voru nákvæmlega sömu tölur og þegar ég var 49 ára. Sömu tölur, sama XG og sama allt,“ sagði hann og hló.

Víkingar voru að koma heim úr æfingarferð til Tyrklands og mæta Val um helgina í undanúrslitum Lengjubikarsins eftir að hafa unnið Aftureldingu. „Við kunnum mjög vel við okkur þarna. Það er flott hótel og nauðsynleg ferð til að stilla saman strengina. Við spiluðum einn æfingarleik og áttum góða æfingarviku þar sem við sluppum að mestu við meiðsli. Ég kvarta ekki.“