Fyrrum goðsagnarkenndi dómarinn Pierluigi Collina segir að dómarinn Andy Medley hafi sýnt Manchester United miskunn um síðustu helgi.

Collina furðar sig á því að aðeins þremur mínútum hafi verið bætt við uppbótartímann í síðari hálfleik, þó Liverpool hafi skorað sex mörk á síðustu 45 mínútunum.

Collina er sammála því að það eigi að minnka uppbótartímann í leikjum sem er í raun lokið en þá þarf að gera það í öll skipti, ekki bara eitt.

Ítalinn bendir á að það sé vitleysa að þremur mínútum hafi verið bætt við þar sem Liverpool skoraði sex mörk í seinni hálfleik og var leikurinn stöðvaður margoft.

Ekki nóg með það heldur áttu tíu skiptingar sér stað og er ljóst að Medley hefði venjulega bætt við mun fleiri mínútum ef um jafnan leik hafi verið að ræða.

Collina vill sjá það verða að reglu í framtíðinni en á meðan það er ekki í reglubókinni þá þarf Medley að sinna sínu starfi og gefa upp réttan tíma.