Raine fyrirtækið sem sér um söluna á Manchester United hefur látið áhugasama aðila vita að hætta að ræða málið opinberlega.
Það var lokað fyrir tilboð í Manchester United á föstudag en fjárfestingafélag frá Katar og Sir Jim Ratcliffe einn ríkasti maður Bretlands buðu í félagið.
Viðræður fara nú fram og næsta skref er fyrir aðila að skoða bókhald félagsins til að fá betri innsýn í rekstur félagsins.
Sheikh Jassim sem fer fyrir hópnum frá Katar sagðist í yfirlýsingu ætla að gera United aftur að fremsta félagi í heimi. Ineos fyrirtæki Ratcliffe gaf einnig út yfirlýsingu og sagðist ætla að koma United aftur í fremstu röð.
Raine og Glazer fjölskyldan eru mjög ósátt með þessa opinberlega umræður og hafa varað aðila við að ræða þetta opinberlega, óttast félagið að umræða og ummæli aðila gætu skaðað Glazer fjölskylduna.
Ekki er öruggt að United verði selt en fjárfestingafélag hefur boðist til að halda áfram að fjármagna það að Glazer eigi United áfram.
