Margir velta fyrir sér framtíð Pep Guardiola hjá Manchester City þessa stundina eftir að enska úrvalsdeildin ákærði félagið í yfir hundrað liðum fyrir meint fjárhagsbrot.
Ekki er ljóst hvort eða hvernig refsingu City mun hljóta. Því hefur verið haldið fram að félagið gæti verið fellt úr ensku úrvalsdeildinni en líklegri niðurstaða þykir að örfá stig verði dregin af City á einhverjum tímapunkti.
Samkvæmt Fichajes horfir Paris Saint-Germain nú til City og vill nota sér stöðuna með því að krækja í Guardiola.
Samningur Guardiola við Manchester City rennur ekki út fyrr en sumarið 2025.
Sem stendur er Christophe Galtier stjóri stórliðs PSG en ljóst er að félagið væri til í að láta hann fara ef Guardiola er í boði.
Fari Guardiola til PSG myndi hann starfa með Lionel Messi á ný. Þeir náðu frábærum árangri hjá Barcelona.
