Clara Chia Marti, kærasta Gerard Pique, hefur verið að vinna heiman frá sér nýverið. Hún hefur verið mikið í fréttum í tengslum við stormasaman skilnað Pique við stórstjörnuna Shakiru.

Knattspyrnumaðurinn 35 ára gamli hætti með eiginkonu sinni Shakiru í fyrra og hóf samband með Clöru. Hafa sambansslitin verið ansi stormasöm, en þau höfðu verið saman í tólf ár og eiga tvö börn saman.

Shakira sakaði Pique um framhjáhald með Clöru. Eftir sambandsslitin hefur hún farið mikinn og til að mynda samið lag þar sem hún urðar yfir Pique, sem og nýja kærustu hans.

Þar syngur Shakira um að hann hafi skipt út Ferrari fyrir Twingo og Rolex fyrir Casio.

Hin 23 ára gamla Clara hefur verið heima hjá foreldrum sínum undanfarið til að flýja sviðsljósið. Spænska fjölmiðlakonan Lorena Vazquez tjáði sig um málið.

„Þau stoppa hana á götunni og syngja lagið. Það taka allir eftir henni og hún er nokkuð feimin,“ segir Vazquez.

Samkvæmt miðlum hefur málið tekið nokkuð á Clöru og því stígur hún úr sviðsljósinu.