Fagn Bukayo Saka eftir mark sitt gegn Manchester United í gær hefur verið mikið í umræðunni.

Skytturnar unnu dramatískan sigur í leik liðanna í ensku úrvalsdeildinni í gær og eru nú með fimm stiga forskot á toppnum.

Marcus Rashford kom United í 0-1 í gær en Saka átti síðar í leiknum eftir að koma Arsenal í 2-1.

Það vakti athygli að fagn Saka var það sama og hjá Rashford.

Vakti þetta upp mikið umtal og furðu einhverra á samfélagsmiðlum. Því var velt upp hvort eitthvað ósætti væri á milli Saka og Rashford.

Flestir eru þó á því að um einfalt grín hafi verið að ræða.

Fögnin má sjá hér að neðan.