Leandro Trossard er við það að ganga í raðir Arsenal. Félagið borgar Brighton 27 milljónir punda fyrir leikmanninn, en samningur hans var að renna út eftir hálft ár.
Fabrizio Romano staðfestir þetta.
Trossard mun skrifa undir langtímasamning á Emirates.
Kappinn er 28 ára gamall. Belginn getur spilað úti á kanti og fyrir aftan framherja.
Arsenal ætlaði upphaflega að fá Mykhailo Mudryk í þessum mánuði en hann hélt til Chelsea á ögurstundu.
Á þessari leiktíð hefur Trossard skorað sjö mörk og lagt upp þrjú í sextán leikjum með Brighton í ensku úrvalsdeildinni.
