David Beckham hefur enn á ný tekist að sækja sér stóra tösku af seðlum í kringum Heimsmeistaramótið í Katar.

Nú hefur Beckham samið við Doritos um að vera aðalmaðurinn í auglýsingu þeirra í kringum HM ásamt Peyton Manning fyrrum NFL stjörnu.

Beckham gerðist á dögum sendiherra fyrir Katar í kringum mótið og fær fyrir það tæpa tvo milljarða samkvæmt fréttum.

Hann fær svo nálægt 100 milljónum fyrir aðkomu sína að auglýsingu Dortios en upptökur voru í London í vikunni.

Beckham hefur fengið mikla gagnrýni á sig fyrir að tengjast Katar vegna þeirra mannréttindabrota sem sögð eru framin þar í landi.

Beckham er ein skærasta stjarna í sögu fótboltans og talsmaður hans segir að í kringum fótbolta sé hægt að breyta miklu og gera heiminn betri að mati Beckham.