Rafael Benitez, fyrrum stjóri Everton og Liverpool, hefur tjáð sig um tíma sinn hjá því fyrrnefnda þar sem hlutirnir gengu ekki upp.

Benitez var að vinna í Liverpool borg í annað sin en hann stýrði Liverpool frá 2004 til 2010 og vann Meistaradeildina.

Það voru ýmsir hlutir sem Benitez vildi breyta um leið hjá Everton en gat ekki fengið sig til þess vegna tenginarinnar til Liverpool.

Hann óttaðist að stuðningsmenn Everton myndu benda á sögu hans sem þjálfara og að þessar ákvarðanir myndu í kjölfarið koma í bakið á honum.

,,Ég áttaði mig á því að við þyrftum að breyta til innan liðsins en ég gat ekki gert það strax því ég er fyrrum Liverpool maður. Þeir gætu horft á þetta eins og ég hafi komið inn til að breyta klúbbnum,“ sagði Benitez.

,,Hjá öðru félagi hefði ég tekið þessar ákvarðanir og hef gert áður, það er mjög augljóslega leiðin til að bæta liðið en hjá Everton þá gat ég ekki fengið mig til þess.“

Enski boltinn á 433 er í boði