KV vann sterkan 1-0 sigur á Þór í Lengjudeild karla um helgina.
Vesturbæjarliðið er þegar fallið en Þór er í tíunda sæti.
Fjallað var um leikinn í markaþætti Lengjudeildarinnar, sem er á dagskrá Hringbrautar eftir hverja umferð.
„Þórsarar eiga að mínu mati að skammast sín. Þeir eiga ekkert að tapa svona leikjum,“ segir Hrafnkell Freyr Ágústsson, sérfræðingur þáttarins.
„Láki (Þorlákur Árnason, þjálfari Þórs) talaði um hugarfar eftir leik og ég er bara sammála því. Mér fannst margir vera með hangandi haus.“
Um næstsíðustu umferð Lengjudeildar karla þetta tímabilið var að ræða. Sú síðasta verður leikin um næstu helgi.
