Stjarnan 2 – 4 KA
1-0 Jóhann Árni Gunnarsson(‘9, víti)
1-1 Nökkvi Þeyr Þórisson(’19)
1-2 Hallgrímur Mar Steingrímsson(’35)
2-2 Jóhann Árni Gunnarsson(’40, víti)
2-3 Nökkvi Þeyr Þórisson(’43, víti)
2-4 Nökkvi Þeyr Þórisson(’77, víti)
Nökkvi Þeyr Þórisson hefur verið algjörlega magnaður fyrir lið KA í sumar og er nú kominn með 16 mörk í Bestu deildinni.
Nökkvi var sjóðandi heitur í kvöld er KA heimsótti Stjörnuna í lokaleik sunnudagsins en KA vann þennan leik, 4-2.
Heilar fjórar vítaspyrnur voru dæmdar í stórkostlegri skemmtun í Garðabæ í sex marka veislu.
Jóhann Árni Gunnarsson gerði tvö mörk fyrir Stjörnuna af vítapunktinum en liðið kom boltanum ekki í netið úr opnum leik.
Nökkvi gerði tvö mörk fyrir KA einnig af vítapunktinum og sá um að tryggja 4-2 sigur.
KA er aðeins þremur stigum frá toppliði Breiðabliks eftir 18 leiki en Blikar eiga leik til góða.
Víkingur Reykjavík er í þriðja sætinu með 31 stig, fimm stigum á eftir KA en á tvo leiki til góða.