Oscar, fyrrum leikmaður Chelsea, er fastur í Kína og fær ekki draumaskipti sín til Flamengo í gegn.
Það var talið nær öruggt að Brasilíumaðurinn væri á leið til Flamengo. Hann var mættur til Brasilíu en þá sagði félag hans, Shanghai Port, nei.
Fimm og hálft ár er síðan Oscar fór frá Chelsea til Shanghai. Kínverska félagið keypti hann á 60 milljónir punda. Þá hefur hann þénað yfir 100 milljónir punda á tíma sínum í Kína.
„Ég vil þakka öllum fyrir fallegu skilaboðin undanfarin mánið, sérstaklega stuðningsmönnum Flamengo,“ skrifaði Oscar á samfélagsmiðla.
Oscar lék á sínum yngri árum með Sao Paulo og Internacional í Brasilíu.
