Ekki eru nema nokkrar vikur síðan Gerard Pique leikmaður Barcelona og söngkonan Shakira greindu frá því að ástarsamband þeirra væri á enda.

Nú greina spænskir miðlar frá því að Pique hafi í nokkra mánuði átt í ástarsambandi við stúlku sem vinnur hjá honum.

Clara Chia Marti er 23 ára gömul og vinnur hjá Kosmos fyrirtæki í eigu Pique.

„Þetta kemur Shakira á óvart og ýtir undir það að mögulega hafi þetta byrjað þegar samband þeirra var í gangi,“ segir í umfjöllun blaða.

Shakira og Pique greindu frá því í júní að samband þeirra væri á enda en saman eiga þau tvö börn. Parið var saman í tólf ár.

Shakira er ein frægasta og tekjuhæsta söngkona í heimi en Pique hefur átt frábæran fótboltaferil og er sagður góður viðskiptamaður.