Þriðji dagur í réttarhöldum yfir Ryan Giggs hefst í dag en hann er sakaður um gróft ofbeldi gegn fyrrum unnustu sinni. Lögmaður Giggs segir áverka í andliti Kate Greville vera eftir harkalegt kynlíf en ekki ofbeldi.
Þessi fyrrum leikmaður Manchester United er sakaður um að ofbeldi gegn fyrrverandi kærustu sinni og að hafa ráðist á systur hennar. Líkamlega ofbeldið sem um ræðir er sagt hafa átt sér stað árið 2020. Þá er Giggs sakaður um að beita Kate Greville, fyrrverandi kærustu sína, andlegu ofbeldi á árunum 2017-2020.
Meira:
Bólfarir með öðrum konum komu til tals í dómsal – SMS skilaboð hans vekja óhug margra
gær kom margt fram en þar á meðal að Giggs hafi haldið framhjá Kate með átta konum. Hún segist hafa komist að því með því að skoða spjaldtölvu hans árið 2020 sem varð til þess að Giggs á að hafa ráðist á hana.
Kate segir að Giggs hafi skallað sig í andlitið þegar hún gekk á hann vegna þess og sökum þess hafi hún hringt á lögreglu.
Lögmaður Giggs tók til máls í dag og sagði Kate ljúga að öllu leyti, áverkar á henni væru eftir harkalegt kynlíf þeirra.
Í skjölum sem lögð voru fyrir dóminn koma samskipti Kate við vinkonu sína þar sem hún sendir mynd af áverkunum en segir svo síðar að þeir hafi verið eftir harkalegt kynlíf
Lögmaður Giggs spurði Kate út í það hvers vegna hún hefði ekki sagt frá ofbeldinu. „Ég skammaðist mín og vildi ekki viðurkenna það,“ sagði Kate.
Mr. Daw lögmaður Giggs svaraði þessu. „Þetta er algjör haugalygi, þetta voru áverkar eftir harkalegt kynlíf sem þið bæði höfðuð gaman af“