Það hefur lítið sem ekkert gengið upp hjá Nicolas Pepe frá komu hans til Arsenal. Nú reynir félagið að losa sig við hann.

Pepe kostaði 72 milljónir punda er Arsenal keypti hann frá Lille sumarið 2019. Það gera hátt í tólf milljarða íslenskra króna. Hann varð um leið dýrasti leikmaður í sögu félagsins.

Hinn 27 ára gamli Pepe hefur átt ágætis leiki inn á milli með Arsenal en heilt yfir valdið vonbrigðum. Hann hefur spilað 112 leiki í öllum keppnum. Í þeim hefur hann skorað 27 mörk og lagt upp 21.

Það er ljóst að Arsenal er tilbúið að selja Pepe á mun lægri upphæð en félagið keypti hann á. Þrátt fyrir það herma fréttir frá Englandi að það sé lítill áhugi fyrir því að fá leikmanninn, þó svo að það verði á útsöluverði.

Enski boltinn á 433 er í boði