Ben White á ekki heima hjá liði á borð við Arsenal að sögn fyrrum enska landsliðsmannsins, Gabriel Agbonlahor.

White var keyptur til Arsenal fyrir 50 milljónir punda frá Brighton 2021 en var ekki frábær á sínu fyrsta tímabili hjá félaginu.

Að sögn Agbonlahor er White ekki næstum því nógu góður til að byrja fyrir Arsenal og vill sjá félagið breyta til í sumar.

,,Vörn Arsenal er ekki næstum því nógu góð til að ná topp fjórum. Að mínu mati er Ben White virkilega ofmetinn,“ sagði Agbonlahor.

,,Ég sá hann gegn Newcastle undir lok tímabilsins og hann var gjörsamlega ömurlegur. Hann er ekki með hraðann og er ekki nógu aggressívur.“

,,Hann er góður á boltanum já en hann er ekki varnarsinnaður miðjumaður, hann er hafsent. Arsenal þarf tvo góða miðverði sem eru ekki í neinu bulli og eru með hraða.“

Enski boltinn á 433 er í boði