„Ég er svekktur, mér fannst við geta náð í sigurinn í dag. Það segir mikið um liðið og þann stað sem við erum á, þetta er jákvætt skref í rétt átt. Mér fannst seinni hálfleikurinn góður,“ sagði Arnar Þór Viðarsson þjálfari Íslands eftir 1-1 jafntefli við Albaníu á Laugardalsvelli í kvöld.

Um var að ræða leik í Þjóðadeildinni en liðið hefur byrjað á tveimur jafnteflum. Jón Dagur Þorsteinsson kantmaður liðsins skoraði markið. „Við reyndum að stíga ofar og ná pressunni fyrr. Við eigum möguleika á að búa til fleiri alvöru færi, það segir mikið. Við vorum með sénsana á síðustu sendingu,“ sagði ARnar.

„Við vorum of neðarlega með liðið í fyrri hálfleik, kantararnir ná ekki að stíga upp í hafsentana þeirra. Við náðum því aldrei, vorum 3-4 metrum of seinir því liðið var of neðarlega.“

„Varnarleikurinn í dag fannst mér mjög góður, vorum að verjast fyrirgjöfum frá þeim mjög vel.“

Albert Guðmundsson var ónotaður varamaður í leiknum og vakti það athygli.

„Albert kom inn á Ísrael, mér fannst Andri Lucas gera vel. Skiptingarnar voru á kantinum, strategían var önnur en týpan af leikmanni sem Albert er. Hann var ein af fyrstu skiptingunum í Ísrael. Þetta er 25 manna liðsheild, tveir voru upp í stúku. Þetta er eitthvað sem við þurfum að gera, þurfum að vera sterk liðsheild. Strategían í hverjum leik hverjir koma inn og hverjir ekki,“ sagði Arnar