Almenningur getur keypt sér bjór í fyrsta sinn á Laugardalsvelli á morgun þegar Ísland tekur á móti Albaníu í Þjóðadeildinni.
Knattspyrnuáhugafólk hefur lengi kallað eftir því að geta keypt sér bjór á vellinum líkt og þekkist um allan heim.
Bjórinn verður til sölu í sérstökum bás í báðum stúkum vallarins.
Áður voru það aðeins gestir í VIP stúkum Laugardalsvallar sem gátu fengið sér bjór en nú geta allir sem aldur hafa til fengið sér öl krús og horft á landsliðin í fullu fjöri.
Fjöldi íslenskra félagsliða hefur á undanförnum árum verið með bjórsölu sem margir hafa tekið vel í.