Romelu Lukaku, framherji enska knattspyrnuliðsins Chelsea er á leið til síns gamla félags Inter Milan á láni. Frá þessu greinir Fabrizio Romano á samfélagsmiðlinum Twitter.
Þar vitnar Romano í ummæli sem ráðgjafi Lukakus, Sébastien Ledure lét falla í samtali við Sky Italia.
,,Það er búið að skrifa undir öll nauðsynleg gögn. Inter sem og nýju eigendur Chelsea hafa staðið sig frábærlega í þessum skiptum.
Þá vildi Sébastien ekkert segja til um það hvað myndi gerast að loknum lánssamningnum á næsta ári. ,,Við vitum ekki hvað gerist en sjáum til árið 2023. Nú þarf hann (Lukaku) bara að njóta endurkomunnar.“
Lukaku gekk til liðs við Chelsea fyrir síðasta tímabil frá Inter Milan fyrir risa upphæð. Hlutirnir hafa hins vegar ekki gengið upp hjá honum hjá enska úrvalsdeildarfélaginu og í kjölfar umdeilds viðtals sem birtist undir lok síðasta árs virtist vera sem svo að dagar hans hjá Chelsea væru að renna sitt skeið og það mun fyrr en flestir reiknuðu með.
Í viðtalinu sem Lukaku fór í hjá Sky Italia lýsti hann yfir löngun sinni til að snúa aftur til Inter Milan aðeins nokkrum mánuðum eftir að hann fór frá félaginu. Lukaku verður nú að ósk sinni.
Romelu Lukaku deal, completed. His advisor Sébastien Ledure tells Sky: “We have signed all the documents. Inter and Chelsea’s new owner did great job” told @MatteoBarzaghi. 🔵 #CFC
“What happens next year? We don’t know yet, we’ll see in 2023 – now’s time to enjoy his comeback”. pic.twitter.com/9pGpWYLVQS
— Fabrizio Romano (@FabrizioRomano) June 29, 2022
