Chelsea er langt frá því að vera nálægt verðmiða varnarmannsins Matthijs de Ligt sem spilar með Juventus.

Frá þessu greina bæði ítalskir og enskir miðlar en De Ligt ku vera einn af þeim efstu á óskalista Chelsea í sumar.

Þessi 22 ára gamli leikmaður kom til Juventuas frá Ajax árið 2019 en hefur ekki alveg staðist þær væntingar sem til hans voru gerðar.

Juventus hefur boðið De Ligt nýjan samning en hann vill fá betri laun og er tilbúinn að fara ef það er ekki á boðstólnum.

Juventus vill fá 100 milljónir evra fyrir De Ligt en Chelsea hefur aðeins skoðað það að borga í kringum 60 milljónir evra fyrir Hollendinginn.

Það er klásúla í samningi leikmannsins sem gerir honum kleift að yfirgefa ítalska félagið fyrir 120 milljónir evra.