Sven Botman gæti endað á að skrifa undir hjá Newcastle þó að það sé hans vilji að ganga í raðir AC Milan á Ítalíu.

Botman hefur lengi verið á óskalista Milan sem berst við Newcastle um hans þjónustu. Hollendingurinn mun yfirgefa Lille í Frakklandi í sumar.

Félagaskipta sérfræðingurinn Fabrizio Romano segir að Botman sé að bíða eftir boði frá Milan en er nú þegar með boð frá Newcastle á borðinu.

Það er nóg til hjá Newcastle eftir komu nýrra eigenda og myndi hann væntanlega fá betur borgað á Englandi en á Ítalíu.

,,Leikmaðurinn er að bíða eftir AC Milan en tilboðið frá Newcastle er mjög gott,“ sagði Romano.

,,Þeir eru að reyna að sannfæra hann og eru að heilla Lille með stóru tilboði. Þetta er í kringum 40 milljónir evra. Newcastle er í sókn.“

Enski boltinn á 433 er í boði