Læknirinn Leopoldo Luque, ásamt geðlækninum Agustina Cosachov og sex öðrum í heilbrigðisteymi Diego Maradona heitins, þurfa að mæta fyrir rétt þar sem þau eru sökuð um að valda dauða hans í lok árs 2020.
Þau eru sökuð um að hafa ekki sinnt Maradona á fullnægjandi hátt er hann jafnaði sig eftir bráðaaðgerð sem þurfti að framkvæma vegna blóðtappa í heila. Það á að hafa dregið hann til dauða.
Réttarhöldin yfir lækninum fara þó ekki fram fyrr en undir loks árs 2023, eða í byrjun árs 2024.
Maradona er, eins og flestir vita, einn allra besti knattspyrnumaður sögunnar. Hann fór á fjögur Heimsmeistaramót með argentíska landsliðinu og leiddi liðið að sjálfum heimsmeistaratitlinum árið 1986.
Líferni hans utan vallar kom honum þó um koll þegar uppi var staðið.