Gerard Pique varnarmaður Barcelona er byrjaður að njóta lífsins skömmu eftir að hafa slitið sambandi við Shakira.
Shakira sem er ein vinsælasta söngkona í heimi og Pique greindu frá því á dögunum að langt samband þeirra væri á enda en saman eiga þau tvö börn.
Mynd af Pique á viðburgði í Stokkhólmi á föstudag birtist hjá áhrifavaldi í Svíþjóð sem heitir Katrin.
„Hlustaðu á mig auli,“ skrifar Katrin með færslu um Pique og birtir mynd af honum með ljóshærðri konu.
„Eflaust vildu flestar konur í þessum gleðskap sofa hjá þér en ég var að hugsa um son minn. Ég sagði við þig að ég vildi mynd fyrir son minn en þú sagðir nei. Af hverju? Af því að þú getur sparkað í bolta?.“
Katrin segir við spænska fjölmiðla að hún hafi ákveðið að birta þessa mynd af Pique en hún segist ekki þekkja ljóshærðu konuna.
