Manchester United reyndi að næla í miðjumanninn Yves Bissouma áður en hann skrifaði undir hjá Tottenham á dögunum.
The Athletic greinir frá þessu en Bissouam gekk nýlega í raðir Tottenham fyrir 25 milljónir punda frá Brighton.
Samkvæmt þessum fregnum reyndi Man Utd að eyðileggja fyrir Tottenham á síðustu stundu en símtalið kom hins vegar einhverjum klukkutímum of sent.
Man Utd hafði skoðað þann möguleika að fá Bissouma í dágóðan tíma en var ekki nógu fljótt að bregðast við og hafði Tottenham betur að lokum.
Bissouma spilaði með Brighton í fjögur góð ár og er fullur tilhlökkunar að spila í Meistaradeild Evrópu í fyrsta sinn.
Bissouma var aldrei efstur á óskalista Man Utd í sumar en liðið er helst að eltast við Frankie de Jong, leikmann Barcelona.
