Kylian Mbappe, stjarna Paris Saint-Germain, er í góðum gír í sumarfríi þessa dagana.
Hann gerði nýjan samning við Parísarfélagið á dögunum sem gerði hann að launahæsta leikmanni heims. Mbappe skrifaði undir til 2025.
Talið var líklegt að Mbappe væri á leið til Real Madrid en nýr ofursamningur í París kom í veg fyrir það.
Mbappe mun þéna um milljón punda á viku. Það eru tæpar 165 milljónir íslenskra króna. Þá fær hann það sem jafngildir um 16,5 milljörðum króna fyrir það eitt að skrifa undir. Frakkinn fær þá bónusgreiðslur fyrir skoruð mörk, vinnur Meistaradeildina eða ef hann hlýtur Ballon d’Or verðlaunin.
Hér fyrir neðan má sjá myndir af Mbappe í fríinu.
