Úrslitaleikurinn í Meistaradeildinni var fyrirferðamikill í Íþróttavikunni með Benna Bó sem er á dagskrá Hringbraut á föstudögum. Þar mætast Real Madrid og Liverpool í París. Hjörvar Hafliðason, doktor Football og íþróttastjóri Viaplay og Jóhann Már Helgason, íþróttaskríbent og sérfræðingur í þættinum sátu í settinu með Benedikt Bóas.
„Maður horfir á þetta þannig að Liverpool er sigurstranglegra. Real var yfirspilað af stórum hluta í einvígjunum gegn PSG og Manchester City. En það er einhver þrautsegja í Real sem breitir leikmyndinni. En líkindin eru 70/30 að mínu mati,“ segir Jóhann Már.
Hjörvar segir að þetta sé aðeins búið að jafnast. „Fyrir mánuði síðan hefði ég verið alltaf spáð Liverpool sigri. En. Mér finnst orkustigið í leik Liverpool verið að fara niður. Þeir hafa virkað þreyttir og spilað marga leiki. Mo Salah hefur verið skugginn af sjálfum sér en Mane hefur reyndar verið góður. Ég held að Klopp byrji með Diaz, þó hann verði að fara skora eitthvað. Og miðjan verður Henderson, Thiago og Fabinho. Klopp mun væntanlega halda sig við Matip í vörninni.“
Jóhann kom inn á þreytu Liverpool en liðið hefur spilað hvern einasta leik sem í boði er á þessu tímabili. Hjörvar svaraði þá. „Þetta er helvíti gott ströggl því þeir hafa ekki tapað leik síðan gegn Inter í byrjun mars.“
