Roma er fyrsti Sambandsdeildarmeistarinn eftir sigur á Feynoord í úrslitaleik í kvöld.
Roma var betri aðilinn í fyrri hálfleik. Nicolo Zaniolo kom þeim yfir á 32. mínútu og leiddi liðið í leikhléi.
Feynoord kom sterkara til baka í seinni hálfleikinn og skapaði sér nokkrar góðar stöður á fyrstu mínútum hans. Svo dró hins vegar af hollenska liðinu og var forystu Roma ekki ógnað mikið. Ítalirnir voru agaðir til baka og gáfu fá færi á sér.
Jose Mourinho, stjóri Roma, hefur þar með unnið alla Evrópumeistaratitlanna, Meistaradeildina, Evrópudeildina og nú Sambandsdeildina.
