Atletico Madrid og Manchester City mættust í seinni leik liðanna í 8-liða úrslitum Meistaradeildar Evrópu í kvöld. Fyrri leik liðanna lauk 1-0 fyrir Man City á Etihad-vellinum.
Gestirnir voru líklegri aðilinn til að skora í annars tíðindalitlum fyrri hálfleik. Hiti færðist í leikinn er leið á seinni hálfleik og var ansi stuttur í mönnum þráðurinn. Atletico sótti í sig veðrið þegar leið á og varnarmenn Man City þurftu nokkrum sinnum að bregðast við. Allt kom þó fyrir ekki. Niðurstaðan varð markalaust jafntefli og Man City fer því áfram samanlagt.
Gríðarlegur hiti var í leikmönnum liðanna undir lok leiks og eftir hann. Héldu lætin áfram alla leið að búningsklefunum.
Hér fyrir neðan má sjá mynd úr leikmannagöngunum eftir leik þar sem lögregla þurfti til að mynda að skerast í leikinn.
Footage of Atletico Madrid and Manchester City players in the tunnel after… 😳 pic.twitter.com/K7RSUVcXxu
— SPORTbible (@sportbible) April 13, 2022
