Rafael Leao, leikmaður AC Milan, er ekki tilbúinn í að taka næsta skrefið á ferlinum og semja við stórlið Chelsea.

Þetta kemur fram í athyglisverðri grein Football Italia sem fjallar um Leao sem spilar nú með Portúgal á HM.

Football Italia talar um að stuðningsmenn Milan gætu verið áhyggjufullir eftir tvö góð mörk leikmannsins fyrir Portúgal á HM.

Á sama tíma tekur miðillinn fram að frammistaða Leao hafi ekki verið of heillandi heilt yfir og að hann myndi ekki standast pressuna að spila í Ldonon.

Leao er 23 ára gamall og á mikið ólært en að spila í ensku úrvalsdeildinni er annar leikur en að spila á Ítalíu.

Miðillinn nefnir dæmi eins og Romelu Lukaku sem var frábær fyrir Inter Milan en náði ekki sömu hæðum hjá Chelsea og sneri fljótt aftur.

Leao myndi ekki fá sömu ást frá stuðningsmönnum Chelsea og hann fær á Ítalíu og þarf að vinna í ýmsum eiginleikum ef hann ætlar að ná árangri í ensku deildinni.