Jadon Sancho kantmaður Manchester United er enn staddur í Hollandi þar sem hann æfir einn og enginn veit í raun hvenær hann snýr aftur.
Erik Ten Hag var spurður um stöðuna á Sancho eftir leik gegn Burnley í deildarbikarnum í gær en svarið var stutt og gaf ekkert upp.
Sancho hefur átt erfiða tíma hjá Manchester United og datt úr í október vegna veikinda.
Hann fékk ekkert frí á meðan HM í Katar stóð og hélt til Hollands að æfa einn með þjálfara þar. Hann fór ekki í æfingaferð með United liðinu til Spánar á dögunum.
Erik ten Hag stjóri United hefur látið hafa eftir sér að Sancho sé hvorki líkamlega né andlega klár í það að taka þátt í æfingum eða leikjum með United. Sancho hefur upplifað 18 erfiða mánuði á Old Trafford eftir að hafa verið keyptur frá Borussia Dortmund, miklar væntingar eru gerðar til hans.
Reporter: "Do you have any update on Jadon Sancho?"
ten Hag: "No."
Erik ten Hag gives no update on the return of Jadon Sancho 😅 pic.twitter.com/DtXYTTrojv
— Football Daily (@footballdaily) December 21, 2022
