Síðari hluti ítarlegs viðtals við Arnar Þór Viðarsson, landsliðsþjálfari íslenska karlalandsliðsins í þættinum 433.is verður sýndur á Hringbraut á mánudaginn næstkomandi.
Þar ræðir Arnar meðal annars ákvörðun Vöndu Sigurgeirsdóttur, formanns KSÍ að fara í viðræður við Heimi Hallgrímsson um að taka við landsliðinu.
Arnar segist geta sýnt þessari ákvörðun Vöndu, um að kanna landslagið hjá Heimi Hallgrímssyni, skilning.
,,Vanda var í raun bara að vinna sína vinnu. Ég hef verið, nánast allt mitt líf í fótboltaheiminum og ég skil alveg að það er líka pressa á Vöndu að vinna sína vinnu.
Það er fólk sem talar við hana, viðrar ákveðnar hugmyndir, fótboltaheimurinn virkar bara þannig.“
,,Ég geri mér alveg grein fyrir því að sem þjálfari getur vel verið að ég verði sjö ár í viðbót sem landsliðsþjálfari en það getur líka vel verið að ég verði rekinn í næstu viku.
Við ræddum þetta bara, ég skildi alveg af hverju hún tók þessa ákvörðun. Við höldum bara áfram, ég er enn í starfinu og hlýt því að hafa gert eitthvað rétt.“
Tímasetningin á þessu öllu saman vekur hins vegar upp spurningar. Orðrómurinn fer á kreik eftir landsleikjaglugga landsliðsins í september, á tímapunkti þar sem hlutirnir virtust vera að snúast Arnari í hag.
Höfðu viðræðurnar farið fram löngu áður en enginn vitað neitt.
,,Ég er alveg sammála því. Þetta lekur út eftir landsleikjagluggann í september. Það hefur einhver sem vissi af þessu lekið þessu út, viljað stöðva jákvæðu umræðuna, það er bara hluti af fótboltanum.
Þetta gerist bara. Við erum lítið samfélag, það þekkja allir alla. Ég reyni bara að stjórna því sem ég get stjórnað, við erum enn í stólnum og höldum áfram að gera okkar besta. Reyna að gera þjóðina stolta.“
Fyrri hlutinn af viðtalinu við Arnar er í heild hér að neðan en sá síðari verður sýndur næsta mánudag.
