Gunnar Birgisson, íþróttafréttamaður hjá RÚV var gestur í Íþróttavikunni með Benna Bó, ásamt Herði Snævari Jónssyni, íþróttastjóra Torgs og þar var farið yfir víðan völl.

Meðal annars var talað um ákvörðun einstaklinga sem hafa neitað að ræða við eða aðstoða ákveðna fjölmiðla vegna óánægju með umfjöllum

Tekin voru dæmi:

Erlingur Richardson, þjálfari karlaliðs ÍBV í handbolta, neitar að tala við Stöð 2/ Seinni Bylgjuna.

Þá hafa íslenskir knattspyrnudómarar neitað að dæma á Fótbolta.net mótinu, sem hefur sökum þess verið fellt niður, vegna þess að þeir eru ósáttir með umfjöllun miðilsins.

Benedikt Bóas, þáttastjórnandi Íþróttavikunnar, spurði sérfræðinga sína, sem stundum básúna um hitt og þetta tengt sínum störfum sem fjölmiðlamenn, hvort fólk nú til dags sé orðið eitthvað viðkvæmara fyrir umfjöllun?

,,Hafa ekki alltaf verið svona einn og einn inn á milli sem tekur svona nærri sér?“ sagði Hörður Snævar sem sagði fjóra einstaklinga hafa neitað að tala við sig í gegnum hans blaðamannaferil.

Gunnar gat tengt við þetta svar Harðar.

,,Það er um eitthvað svipað að ræða hjá mér, ekki mikið meira en það. Menn eru svosem í fullum rétti til að neita að tjá sig en menn verða samt sem áður að átta sig á því að þeir eru ekki bara að tala við okkur fjölmiðlamennina.

Þeir eru ekki að gera mér eða Herði neinn persónulegan greiða með því að tala við okkur. Þeir eru náttúrulega að tala við sína stuðningsmenn.

Þetta getur einnig verið leið til þess að tala við leikmannahópinn sinn, leið til að tala við bæjarfélag í heild sinni þess vegna, stjórnendur íþróttafélaga og ég veit ekki hvað og hvað.

Þetta er bara orðinn partur af starfslýsingunni.“

Hörður vildi í kjölfarið á þessum orðum Gunnars koma til skila ráðum til þjálfara:

,,Það er miklu betri frétt fyrir mig ef þú neitar að ræða við mig. Hún fær miklu betri lestur. Þú eiginlega gerir mér greiða með því að segja nei við því að ræða við mig.“

Umræðuna í heild sinni má sjá hér fyrir neðan: