Erling Braut Haaland, stjarna Manchester City, er sögð vera að hitta Isabel Haugseng Johansen þessa stundina.

Johansen er frá Bryne í Noregi, líkt og Haaland, og þekkjast þau í gegnum sameiginlega vini.

Hún er átján ára gömul og því fjórum árum yngri en Haaland.

Parið er saman í fríi á Marbella þessa stundina. Haaland er í fríi þar sem Noregur komst ekki á Heimsmeistaramótið í Katar sem nú stendur yfir.

Vinir Haaland segja við ensk götublöð að Haaland og Johansen hafi verið að hittast í marga mánuði.

Það gengur þvert á það sem Haaland hefur áður sagt. Síðast þegar hann var spurður út í kvennamál sagði hann að fótboltar væru kærustur sínar.

Þeir segjast þó afar ánægðir með að framherjinn, sem hefur raðað inn mörkum fyrir City á þessari leiktíð, sé með stelpu úr heimabæ sínum. Það hjálpi til við að halda honum á jörðinni.