Ísland er komið í úrslit á Baltic Cup 2022 eftir sigur gegn Litháen í vítaspyrnukeppni á miðvikudag.
Rætt var um leikinn í hlaðvarpsþættinum Dr. Football og þá var sérstaklega rætt um Birki Bjarnason.
Birkir er leikjahæsti leikmaður í sögu Íslands. „Okkar besti þjónn hjá landsliðinu í mörg ár, staðið sig frábærlega. Ég er nú oft kallaður sá ljúfi, þetta er alveg að verða gott,“ sagði Hjörvar Hafliðason.
Birkir hefur átt magnaðan feril með landsliðinu en spilar í dag lítið hjá félagsliði sínu. Ágúst Þór Ágústsson, sérfræðingur þáttarins segir þetta komið gott.
„Þetta er orðið gott, miðað við breytingarnar síðustu ár. Að yngja upp og reyna að breyta leikstíl, má ekki setja einhvern annan inn sem nær að hlaupa. Hann á erfitt með það, mér finnst hann ekki fita inn í þetta,“ segir Ágúst
„Þetta var ekki það sem við vorum að leita af í gær,“ segir Hjörvar.
